ایک شخص اپنے ضلع اپنے گھر کے قریب ملازمت کرتا ہے۔ لیکن چھ ماہ پر مشتمل ایک کورس میں شمولیت کے لیے وہ دوسرے کسی ضلع کی طرف سفر کرتا ہے، اور وہ ہر ہفتے چار یا پانچ دنوں تک اس دوسرے ضلع میں مقیم ہوتا ہے پھر بقیہ دو تین دن واپس اپنے گھر آتا ہے، اس طرح یہ سلسلہ چھ ماہ تک جاری رہنا ہے۔ تو کیا اُس دوسرے ضلع میں (چھ ماہ تک ہر ہفتہ چار یا پانچ دن) اُس کی نماز اور روزے سے متعلق وہ قصر کے احکام پر عمل کرے گا یا نہیں؟ یعنی وہ نماز قصر پڑھے گا اور روزہ نہیں رکھیں گے یا نماز مکمل اور روزہ رکھیں گے۔
چونکہ وہ ہفتہ میں تین دن سے زیادہ گھر سے باہر رہتا ہےاور یہ سلسلہ ایک طویل مدت تک جاری بھی رہے گا، اس لیے وہ کثیر السفر شمار ہوگا اور وہ شخص دوسرے ضلع میں بھی اپنی نماز مکمل پڑھے گا اور روزے بھی رکھیں گے۔